Terra das Mariñas

AXENCIA DE EMPREGO

2010-11-18T13:00:00.002+01:00

A axente de emprego de Terra das Mariñas comunica aos socios e usuarios que cesará no seu posto o venres 19 de novembro de 2010, polo que a Asociación GAL Terra das Mariñas carece de persoal.
Calquer consulta sobre axudas poderan dirixirse ás Axencias de Desenvolvemento Local que funcionan nos concellos, e a información sobre os programas de axudas presentes na comarca será levada a cabo polas entidades que as xestionan (Programa LEADER: Asociación GDR Mariñas-Betanzos, Programa de axudas da Consellería do Mar-Grupo de Acción Costeira Golfo Ártabro)

REUNIÓN DA XUNTA DIRECTIVA DE TERRA DAS MARIÑAS

2010-11-18T12:11:00.004+01:00

Na sé da asociación celebrouse a reunión da Xunta Directiva corresponde ao terceiro trimestre do ano 2010.
A orde do día comprendía os seguintes puntos: aprobación do acta anterior, seguimento do Programa PRODER II, información contable-financeira, proxectos a desenvolver, aprobación novo representante no GAC Golfo Ártabro, Axencia de Emprego, persoal da Asociación e rogos e preguntas.
Á data da próxima reunión non foi acordada pero celebrase no vindeiro 2011.

SEMINARIO ORGANIZADO POLO GRUPO DE ACCIÓN COSTEIRA GOLFO ÁRTABRO

2010-10-20T09:47:00.005+02:00

O 15 de outubro de 2010 tivo lugar no Concello de Sada, o I Seminario "A xestión integrada de zonas costeiras: Xestión integrada no Golfo Ártabro, como ferramenta para aplicar a directiva Marco da Auga".

Neste seminario participaron as entidades implicadas na presentación da candidatura ao Programa LIFE + , que se ten presentada en Setembro de 2010 ante a Comisión Europea. Os socios desta candidatura son: Augas de Galicia, Consellería do Mar, Instituto Tecnolóxico para o Control do Medio Mariño de Galicia (INTECMAR), a Asociación GDR Mariñas-Betanzos e as empresas Antonio Muiños, Rosa Mª Mirás, Algafrés SL e Galibait Cebos Vivos SL.

A inauguración do acto foi realizada polo Alcalde de Sada, D. Abel López Soto e polo Presidente do GAC Golfo Ártabro, D. Andrés García Boutureira. Clausuraron o acto o Presidente do GAC e o Presidente da Asociación GDR Mariñas-Betanzos, D. José Antonio Santiso Miramontes.

A Asociación GAL Terra das Mariñas colaborou técnicamente na organización do seminario ademais de aistir ao mesmo.

AXENCIA DE EMPREGO

2010-07-21T12:23:00.001+02:00

Comunicamos a socios e público en xeral que a Axencia de Emprego da Asociación GAL Terra das Mariñas permanecerá de vacacións dende o 19 de xullo ata o 17 de agosto (ambos inclusive).

REUNIÓN DA XUNTA DIRECTIVA

2010-07-21T12:16:00.002+02:00

Na sé da asociación celebrouse a reunión da Xunta Directiva correspondente ao segundo trimestre do ano 2010.
A orde do día comprendía os seguintes temas: seguimento do programa Proder II, información contable-financeira, proxectos da asociación, actividades desenvolvidas e noticias da axencia de emprego.

TERRA DAS MARIÑAS NAS FEIRAS EMPRESARIAIS DE CAMBRE E CULLEREDO

2010-06-22T09:11:00.005+02:00

No Concello de Cambre desenvolveuse os días 18, 19 e 20 de xuño a VII FEIRA DO COMERCIO E ARTESANIA.

Nesta feira participou a Asociación GDR Mariñas-Betanzos como acto de difusión do PROGRAMA LEADER e procedeuse á entrega do material divulgativo por parte do equipo técnico.

No stand tamén atopabase material divulgativo da Asociación GAL Terra das Mariñas que foi entregado ao público asistente pola técnico da asociación.

No Concello de Culleredo nas mesmas datas celebrouse a II FEIRA EMPRESARIAL E COMERCIAL que contou tamén ca presenza dos técnicos e ca participación das dúas asociacións.

É de resaltar o grande éxito de público e a importante participación de empresas nas dúas feiras celebradas.

A UNED SENIOR VISITA A CASA MUSEO DE WENCESLAO FERNANDEZ FLOREZ

2010-06-09T10:27:00.001+02:00

Este martes, 8 de xuño, Don Felipe Senén dirixiu a seus alumnos da UNED Senior a través da Fundación, e coñercer mellor o propio pobo de Cambre, a paisaxe e elementos arquitectónicos, según se recollían nas novelas de Wenceslao Fernández Flórez.

BASES REGULADORAS DAS SUBVENCIÓNS PARA A POTENCIACIÓN E A MELLORA DO TURISMO RURAL

2010-06-08T10:39:00.004+02:00

Con data 26 de maio de 2010 son publicadas no Diario Oficial de Galicia nº 98 as bases reguladoras para a concesión, en réxime de concorrencia competitiva, das subvencións para a potenciación e mellora do turismo mediante a creación de aldeas de turismo rural ou mellora de establecementos existentes de turismo rural e oferta complementaria e se procede a súa convocatoria para o ano 2010 (CT983H).

Con data 2 de xuño publicase no DOG unha corrección de erros a esa orde.

O prazo de presentación das solicitudes será dun mes contado a partir do día seguinte ao da publicación no Diario Oficial de Galicia.

PARTICIPACION DE TERRA DAS MARIÑAS EN INCOART 2010

2010-05-24T09:03:00.008+02:00

Os días 21,22 y 23 de maio celebrouse INCOART 2010. Esta feira celebrada no concello de Bergondo, ten a pretensión de dar a coñecer a actividade industrial, comercial e artesanal e mostrar os productos e servicios das empresas deste concello.

A feira foi inaugurada polo presidente de ASEB e pola alcaldesa de Bergondo D. Alejandra Pérez
Mázquez e contou con actividades diversas: cata de vinos, xogos e pasatempos para os/as nenos/as.

O GDR Mariñas-Betanzos participou cun stand no que atopábase material divulgativo da Asociación Terra das Mariñas que foi entregado ao público asistente.

ASOCIACIÓN DO TURISMO SOSTIBLE

2010-04-30T13:29:00.005+02:00

Con data 28 de abril de 2010 foi constituída a ASOCIACIÓN DO TURISMO SOSTIBLE.

A idea da constitución dunha asociación de ámbito provincial que englobe a empresas, asociacións e demais entidades relacionadas co sector turístico do medio rural (aloxamentos, restauración, servicios, etc) parte dos propios interesados co fin de realizar actuacións comúns que beneficien tanto ao sector turístico como ao seu territorio.

SE ESTAS INTERESADO EN PARTICIPAR

981 669 532 ( Teresa Pita)

tecnico@terradasmarinas.com

IV CONGRESO GALEGO DE COMUNIDADES DE MONTES

2010-04-30T13:16:00.002+02:00

A Organización Galega de Comunidades de Montes Vaciñais en Man Común organiza o IV Congreso Galego de Comunidades de Montes no Salón Multiusos do Concello de O Carballiño para os días 22 e 23 de maio de 2010, no que participarán todos as veciñas e veciños comuneiros que desexen participar.

A folla de inscripción cos datos cubertos pódese baixar na páxina http://xapegonda@terra.es e deberá enviarse cos datos cubertos antes do 15 de maio ao seguinte enderezo: Organización Galega de Comunidades de Montes, Estrada Xeral de Valadares, 261 36315 Vigo. Tamén se poderá facer a inscrición por correo electrónico, enviándoa a: xapegonda@terra.es.

Para a reserva de xantar e/ou aloxamento contactar ca organización.

PROGRAMA PARA A PROMOCIÓN DO EMPREGO AUTÓNOMO CONVOCATORIA 2010

2010-04-30T12:45:00.007+02:00

Con data 28 de abril de 2010, foi publicada no DOGA a Orde de 22 de abril de 2010 da Consellería de Traballo e Benestar pola que se establecen as bases reguladoras do Programa para a promoción do emprego autónomo, cofinanciado polo Fondo Social Europeo, e se procede a súa convocatoria para o ano 2010.

Os tipos de axuda regulados nesta orde son os seguintes:

- Subvención polo establecemento como traballador ou traballadora autónoma ou por conta

propia.

- Subvención financeira.

- Subvención para asistencia técnica.

- Subvención para a formación.

- Axuda excepcional.

- Subvención pola primeira contratación indefinida.

Maís información consultando o DOGA nº 79 do 28 de abril de 2010 ou contactando ca nosa axencia de emprego no 981 669 532 ou no correo tecnico@terradasmarinas.com

ASEMBLEA XERAL ORDINARIA DE SOCIOS

2010-04-27T13:26:00.016+02:00

O pasado 26 de abril de 2010 na Aula Multimedia do concello de Abegondo tivo lugar a Asemblea Xeral Ordinaria da Asociación GAL Terra das Mariñas. Os puntos do orde do día: memoria de actividades do ano 2009, contas anuais do exercicio 2009 e orzamento previsto para o ano 2010 foron aprobados por unanimidade polos socios asistentes.

CONVOCATORIA DE ASEMBLEA XERAL ORDINARIA

2010-04-20T10:39:00.002+02:00

O vindeiro 26 de Abril de 2010 celebrarase na Aula Multimedia do concello de Abegondo ás 19:00 horas en primeira convocatoria e ás 19:30 horas en segunda, a ASEMBLEA XERAL ORDINARIA da Asociación GAL Terra das Mariñas.

Para dita reunión convocase ás entidades socias para someter á súa aprobación a memoria anual de actividades realizadas no ano 2009, as contas anuais do exercicio 2009 e o orzamento para o ano 2010.

I XORNADAS DE VITICULTURA E DESENVOLVEMENTO RURAL: Recuperación das variedades Branco Lexítimo e Agudelo

2010-03-30T12:39:00.004+02:00

Estas xornadas organizadas pola Fundación Juana de Vega, terán lugar o vindeiro 07 DE ABRIL DE 2010, a partir das 16.00 horas no Edificio Liceo do Concello de Betanzos.

Inscrición gratuíta na Fundación Juana de Vega: Tel. 981 654 637 / mail: info@juanadevega.org

REUNIÓN DA XUNTA DIRECTIVA

2010-03-24T09:13:00.002+01:00

Na sé da asociación celebrouse a reunión da Xunta Directiva correpondente ao primeiro trimestre do ano 2010.
Entre diversos acordos aprobados encóntrase a convocatoria da Asemblea Xeral Ordinaria, fixando como data o 26 de abril de 2010 ás 19.00 h. en primeira convocatoria e ás 19.30 h. en segunda convocatoria.
O lugar de celebración da mesma é a Aula Multimedia do Concello de Abegondo.
A orde do día aprobado foi o seguinte:

1. Informe da presidencia:
1.1 Presentación do informe das actividades desenvolvidas durante o ano 2009.
1.2 Presentación das contas anuais do ano 2009.
1.3 Presentación do orzamento para o ano 2010.
2. Rogos e Preguntas

AGADER AMPLIA O PRAZO DE PRESENTACIÓN DE SOLICITUDES PARA PROXECTOS DINAMIZADORES DAS ÁREAS RURAIS DE GALICIA 2010

2010-02-22T10:29:00.002+01:00

Hoxe ten saído publicado no DOG (número 35) a resolución do 17 de febreiro de 2010 da Axencia Galega de Desenvolvemento Rural (AGADER), onde se amplia o prazo de presentación de solicitudes previsto na resolución do 15 de decembro de 2009 pola que se aproban as bases reguladoras das subvencións a proxectos dinamizadores das áreas rurais de Galicia, e se anuncia a convocatoria para o ano 2010.
En base ó anterior, informáse que O PRAZO DE PRESENTACIÓN DE SOLICITUDES REMATA O 24 DE MARZO DE 2010

BASES REGULADORAS DAS SUBVENCIÓNS AOS PROXECTOS DINAMIZADORES DAS ÁREAS RURAIS DE GALICIA 2010

2010-01-13T13:10:00.004+01:00

As bases reguladoras das subvencións aos proxectos dinamizadores das áreas rurais de Galicia para a convocatoria do 2010 foron publicadas no Diario Oficial de Galicia con data 24 de decembro de 2010.
O prazo de presentación é de 60 días naturais contados dende o seguinte ao da publicación desta convocatoria no DOG.
A AXENCIA DE EMPREGO da Asociación G.A.L. Terra das Mariñas prestará a información e asesoramento necesario para a tramitación destas axudas nos seguintes contactos:

Axente de Emprego: Mª Teresa Pita Seijas
Telefono 981 669 532
Fax 981 673 574
e-mail: tecnico@terradasmarinas.com

RESUMO DO ANO 2009 EN TERRA DAS MARIÑAS

2010-01-08T13:51:00.005+01:00

A Asociación G.A.L. Terra das Mariñas realizou ao longo do ano 2009, numerosas actividades. Como xa anunciamos, o servizo da Axencia de Emprego fíxose cargo das funcións da Asociación, estando entre elas: a xestión do programa PRODER II, a información e asesoramento a emprendedores, empresas, asociacións e público en xeral de temas relacionados co mundo laboral e especialmente cas axudas vixentes, o desenvolvemento de proxectos de ámbito comarcal, etc.
Ao longo do ano celebrarónse catro reunións da Xunta Directiva nas que foron aprobadas diferentes medidas, no mes de maio tivo lugar a Asemblea Xeral Ordinaria, na que foron ratificados os cargos da nova Xunta Directiva, e a Asemblea Xeral Extraordinaria na que foi aprobada unha modificación dos Estatutos (información detallada publicada no blog).
Facemos especial mención aos proxectos que estanse a desenvolver, en colaboración cos axentes públicos e privados da comarca e que teñen especial incidencia no medio rural. Entre eles estudiase a implantación dun Banco de Tempo, a inscripción coma Entidade de Aconsellamento, o desenvolvemento dun proxecto no sector agroforestal, e a implantación dun proxecto sobre cultura emprendedora.
Os obxetivos para o ano 2010 seguen a ser os mesmos obxetivos fixados dende a constitución da Asociación. Polo que seguirán a prestarse os mesmos servicios e incluirase calquer outro que a sociedade demande.
Así memo informar que a través deste Blog dárase conta de toda información de interese para a comarca e os seus habitantes.

CONTACTO:
Axente de Emprego: Mª Teresa Pita Seijas
Teléfono: 981 669 532
Fax: 981 673 574
E-mail: tecnico@terradasmarinas.com

ÚLTIMAS NOVAS

2009-07-29T14:08:00.002+02:00

Comunicamos que dende o día 3 de agosto ata 2 de setembro a Axencia de Emprego de Terra das Mariñas permanecerá pechada por vacacións.
Informar que a partir do día 17 de agosto a sede da Asociación abrirá as súas portas sendo atendidos polo persoal da Asociación Mariñas-Betanzos

ASEMBLEA XERAL DE SOCIOS ORDINARIA E EXTRAORDINARIA 2009

2009-05-29T12:44:00.002+02:00

O pasado 19 de maio de 2009 no Edificio Sociocultural da Senra (Concello de Bergondo) tivo lugar a Asamblea Xeral Ordinaria da Asociación G.A.L. Terra das Mariñas. Os puntos do Orde do día foron aprobados por unanimidade e foron ratificados os cargos da nova Xunta Directiva. A composición é a seguinte:

-PRESIDENCIA: D. José A. Santiso Miramontes, Alcalde de Abegondo
-VICEPRESIDENCIA: D. José D. Garrote Martín, representante do Concello de Sada.
-SECRETARIA: Dna. Concepción Lema Torre, en representación da Mesa Sectorial de Artesanía, Mulleres, Xóvenes e Asociacións de Interesa Comunitario e Social
-TESOREIRA: Dna. Aída Pérez Barredo, en representación de Mesa do Sector Empresarial e Asociacións de Empresarios.

VOGAIS DO SECTOR PÚBLICO:
-Dna. Rosario Figueiras Icasuriaga, representante do Concello de Arteixo.
-Dna. Alejandra Pérez Maquez, Alcaldesa de Bergondo.
-D. Venancio Salcines Cristal, representante do Concello de Cambre.
-Dna. Florinda Duarte Gerpe, en representación do Concello de Carral.
-D. Isidro Taibo Gago, representante do Concello de Culleredo.
-D. Daniel Romero Cajigal, representante do Concello de Oleiros.
-D. Antonio Salvador Lagares Pérez, representando á Deputación Provincial da Coruña.

VOCAIS DO SECTOR PRIVADO:
-Asociación de Empresarios de Bergondo, representado por Antonio Antelo Añon.
-Fundación para o Avance Científico da Veterinaria en Galicia, representado por Xosé Uxío Rey Fernández
-Romeda, S.L., representado por Gerardo Romero Copo.
-Altavela, S.C., representado por Esteban Fernández-Couto Tella
-Colexio Oficial de Enxeñeiros Técnicos Industriais da Coruña, representado por Edmundo Varela Lema
-Centro de Extensión Universitarias e Divulgación Ambiental de Galicia, representado por Carlos Vales Vázquez.

Na sesión extraordinaria, celebrada a continuación foi aprobado por unanimidade polos socios asistentes o orde do día: modificación dos Estatutos, engadindo un novo punto ás finalidades da Asociación.

ASEMBLEA XERAL DE SOCIOS DE TERRA DAS MARIÑAS

2009-05-15T14:47:00.005+02:00

O vindeiro martes día 19 de maio de 2009 terá lugar no Edificio Sociocultural da Senra (CONCELLO DE BERGONDO, a ASEMBLEA XERAL DE SOCIOS DE TERRA DAS MARIÑAS.

Orde do día (SESIÓN ORDINARIA)
HORA: 11.30 HORAS EN PRIMEIRA CONVOCATORIA E 12.00 HORAS EN SEGUNDA

- Informe das actividades desenvolvidas durante o ano 2008
- Presentación das contas anuais do ano 2008
- Presentación do orzamento para o ano 2009
- Ratificación dos cargos da nova Xunta Directiva
- Rogos e Preguntas

Orde do día (SESIÓN EXTRAORDINARIA)
HORA: 13.00 HORAS EN PRIMEIRA CONVOCATORIA E 13.30 HORAS EN SEGUNDA

- Modificación dos Estatutos no seu artigo 4 (Finalidade), incorporando nas súas finalidades o apartado m) "A prestación de servizos de asesoramento ou de xestión ás persoas adicadas á agricultura, a gandería ou explotación forestal".

AXENCIA DE EMPREGO DE TERRA DAS MARIÑAS

2009-01-29T14:02:00.003+01:00

A Asociación Terra das Mariñas ten a disposición dos seus usuarios, dende septembro de 2008, un novo servizo: Axencia de emprego.

Esta Axencia farase cargo de todas as funcións referidas á propia Asociación tras o cese do persoal técnico a cargo do Programa PRODER II; polo que a axente de emprego será a persoa de contacto para calquera xestión.

As noticias referidas á Axencia serán publicadas neste Blog e presentarán temáticas diversas: normativa, axudas, organización de actos, proxectos...

Persoa de contacto: Maria Teresa Pita Seijas
Dirección: San Marcos s/n, 15.318, Abegondo
Teléfono: 981 669 532
Fax: 981 673 574
Correo electrónico: info@terradasmarinas.com

PRESENTACIÓN DA COMARCA COMO DESTINO TURÍSTICO EN FITUR 2009

2009-01-29T13:52:00.003+01:00

O día 30 de xaneiro presentarase o a guía do Roteiro Mariñán que leva por título "Roteiro Mariñán: Ocio, Medioambiente, y Patrimonio en el área metropolitana de A Coruña" editada pola Asociación Terra das Mariñas.
O acto terá lugar ás 10:00 horas na feira nacional FITUR 2009 (Madrid).
O Director Xeral de Turísmo acudirá a presentación desta guía.

PRESENTACIÓN DO LIBRO RESUMO DO PROGRAMA PRODER II (2000-2006)

2009-01-29T13:23:00.003+01:00

O 22 de xaneiro de 2009, a Asociación Terra das Mariñas ten presentado o libro "Manual de boas prácticas en desenvolvemento rural: O Programa PRODER II (2000-2006)"

Este acto celebrouse no restaurante "O Pantano" ás 19:30 horas. A el asistiron representantes dos oito concellos da comarca, promotores de distntos proxectos acollidos o Programa PRODER II e demais persoas cuio traballo estivo, dalgún xeito, vinculado á Asocicaión.

Este acto converteuse no "fin de festa" do Programa no que se aproveitou para agradecer todo o traballo e esforzo realizado ó abeiro do mesmo.

SINATURA DO CONVENIO PARA A XESTIÓN DOS FONDOS LEADER POLA ASOC. "MARIÑAS-BETANZOS"

2009-01-29T13:13:00.002+01:00

O día 23 de decembro de 2008 AGADER resolveu a convocatoria de selección de programas de desenvolvemento rural (GDR) no marco do Programa LEADER 2007-2013.
A Asociación de Desenvolvemento Rural "Mariñas-Betanzos" recibiu unha asignación de fondos por importe de 5.000.000 de euros.
A este respecto, o día 28 de xaneiro de 2009 , o Presidente de dita Asociación (Juan J. Rocha Carro) asistiu ó acto de sinatura acompañado por representantes das diferentes entidades asociadas ó GDR.

PRESENTACIÓN DO XOGO DIDÁCTICO "PREGUNTOIRO DAS MARIÑAS"

2009-01-29T12:51:00.003+01:00

O día 13 de xaneiro de 2009 ás 12:00 horas, tense presentado na Fundación Wenceslao Fernández Flores, o xogo didáctico "Preguntoiro das Mariñas".
O mesmo día ás 20:00 horas tense realizado unha segunda presentación na Casa da Cultura de Carral dirixida especialmente a asociacións e centros de ensino.

Este xogo foi elaborado conxuntamente pola Asociación Cultural "Cultura Aberta de Carral" e a Asociación "Terra das Mariñas"; así mesmo contouse cá colaboración do Ministerio de Medio Ambiente, Medio Rural y Marino, Consellería do Medio Rural, Axencia Galega de Desenvolvemento Rural, FEOGA e Obra Social Caixa Galicia entre outros.
O seu obxectivo principal é propiciar dun xeito ameno o coñecemento da natureza, do patrimonio, da arte e dos recursos existentes nos municipios que conforman o territorio mariñán.
Este xogo combina as novas tecnoloxías (presentase en CD-ROM e pódese acceder a él a través da páxina web "www.preguntoirodasmarinas.es") con outras presentacións máis tradicionais (taboeiro, fichas, dados,...)

Dende aquí esperamos que esta iniciativa perdure no tempo e axude dun xeito significativo ó coñecemento do propio territorio.

TERRA DAS MARIÑAS PON EN MARCHA O PROXECTO "ROTEIRO MARIÑÁN"

2009-01-29T12:14:00.006+01:00

Este proxecto desenvolveuse polo GAL Terra das Mariñas dentro do Programa PRODER II, seguindo có Plan de Desenvolvemento Turístico do territorio.
O obxectivo deste proxecto foi a creación dunha rede de roteiros de senderismo os cais constitúen un ANEL VERDE que percorre todos os municipios da Área Metropolitana da Coruña.
Esta rede mellora as infraestructuras e aumenta a oferta de actividades de ocio na natureza existentes na comarca e contribue a potenciar os fermosos recantos e espazos naturais que posúe o terririo.
Os promotores destes proxectos foron os oito concellos da comarca (Abegondo, Arteixo, Bergondo, Cambre, Carral, Culleredo, Oleiros e Sada), diversas entidades de carácter privado e o propio GAL Terra das Mariñas.

Todas estas rutas están recollidas nuha guía editada recentemente a cal será presentada o venres 30 de xaneiro de 2009 ás 10:00 horas na sala de actos do stand de Galicia en Fitur-2009.

PRESENTACIÓN DO MATERIAL PROMOCIONAL PARA FITUR-2009

2009-01-29T11:42:00.002+01:00

O día 18 de decembro de 2008 tense celebrado no Hotel CRUNIA, Concello de Culleredo, a presentación do material promocional de "Terra das Mariñas".
Este material foi elaborado para a promoción turística da Comarca na feria madrileña "Fitur 2009". Así mesmo, tense distribuido entre ós distintos concellos da comarca, diversas entidades de información turística e empresas do territorio vinculadas ó sector turístico.
O acto estivo presidido por Juan J. Rocha (presidente da Asociación), Jorge Blanco (Xerente do Proder II), José L. Barcia (Delegado de turísmo), Per Rueda (fotografo), Manuel Brandariz (autor do mural "Terra das Mariñas").
Contouse cá presencia de diversos medios de comunicación, tanto prensa escrita como radio.

CANCELACIÓN DE SEMINARIOS

2008-12-24T09:11:00.002+01:00

Os seminarios propostos anteriormente ("Como ser máis atractivo fronte a entidades financieiras" e "Como xestionar un proxecto de innovación")foron cancelados por non acadar un número mínimo de asistentes.
Terra das Mariñas a través da técnico de emprego Teresa Pita presenta as súas disculpas a todas as persoas que con anterioridade tiñan presentado a súa solicitude.

SEMINARIO DE MELLORA EMPRESARIAL "COMO XESTIONAR UN PROXECTO DE INNOVACIÓN"

2008-11-24T14:11:00.004+01:00

LUGAR: Aula Multimedia do Concello de Abegondo
DÍAS: 9 e 16 de decembro de 2008
HORA: de 19:30 a 21:30
CUSTO: Gratuito

DIRIXIDO A: Empresarios, profesionais independentes, autónomos, técnicos e profesionais que teñan postos de responsabilidade nas organizacións e queiran dispoñer dos principais conceptos relacionados cá temática da innovación.

CONTIDO: A innovación na sociedade da información. Características dos proxectos de innovación. A xestión da innovación na empresa. As ferramentas de I+D+i.

(Entregase diploma acreditativo de asistencia)

Para inscripcións, dirixirse a:
Mª Teresa Pita
GAL Terra das Mariñas
TLF 981 669 532
Fax 981 673 574

SEMINARIO DE MELLORA EMPRESARIAL "COMO SER MÁIS ATRACTIVO FRONTE A ENTIDADES FINANCIEIRAS"

2008-11-24T13:57:00.004+01:00

LUGAR: Aula Multimedia do Concello de Abegondo
DÍAS: 11 e 18 de decembro de 2008
HORA: de 19:30 a 21:30
CUSTO: Gratuito

DIRIXIDO A: Empresarios, profesionais independentes, autónomo e profesionais que desempeñen postos de responsabilidade nos que precisen manexar información de índole contable e financieira.

CONTIDO: Diagnose da necesidades financieiras da empresa. Identificación das alternativas financieiras dispoñibles para a empresa. Negociación cás entidades financieiras.

(Entrégase un diploma acreditativo de asistencia)

Para inscripcións, dirixirse a:
Mª Teresa Pita
GAL Terra das Mariñas
TLF 981 669 532
Fax 981 673 574

INFORMACIÓN SOBRE A CANDIDATURA DO GOLFO ÁRTABRO

2008-10-15T10:22:00.007+02:00

Como se publicou en anteriores entradas, a Asociación Terra das Mariñas, en conxunto cá Fundación Comarcal de Betanzos, estivo a traballar na elaboración da candidatura do G.A.C. "Golfo Ártabro".

O día 13 de outubro celebrouse a Asemblea Xeral dos socios de dito Grupo, onde se expuxo o Plan Estratéxico Zonal (P.E.Z.).

Nesta reunión acordouse, en conformidade con todos os asistentes, facer os cambios pertinentes no documento presentado.

Técnicos de Terra das Mariñas están a ultimar os cambios acordados na Asemblea Xeral para proceder a entrega do documento na Consellería de Pesca e Asuntos Marítimos en Santiaga de Compostela.

O documento completo pódese consultar dende o Blog (http://gacgolfoartabro.blogspot.com)

A ASOCIACIÓN "TERRA DAS MARIÑAS", EN COLABORACIÓN CÁ FUNDACIÓN COMARCAL DE BETANZOS, TEN ENTREGADO FRONTE AGADER O DOCUMENTO DA CANDIDATURA DO GDR-29

2008-10-01T09:04:00.003+02:00

O día 16 de setembro, entregouse o documento final da candidatura LEADER 2007-2013 do novo Grupo de Desenvolvemento Rural "Mariñas-Betanzos". Este documento foi aprobado por todos os socios na Asemblea Xeral celebrada o día 11 de setembro no Edificio Sociocultural de A Senra (Bergondo).
E seguindo có proceso de constitución desta nova asociación, se solicitou o CIF na Axencia Tributaria (Delegación de Betanzos) e tense entregada toda a documentación precisa para inscribir a dita asociación no Rexistro Provincial de Asociacións.
Respecto ó GDR-29 estase á espera da aprobación do documento por parte de AGADER e á asignación dos novos orzamentos para o Programa.
Actualmente o equipo de Terra das Mariñas está a traballar no Programa PRODER e con todos aqueles expedientes que foron subvencionados polo mesmo.
En colaboración cá Oficina Comarcal de Betanzos, tamén se está a traballar na elaboración da candidatura do Grupo de Acción Costeira "Golfo Ártabro" có fin de entregar o documento definitivo o día 15 de outubro do presente ano.
Para máis información podense consultar os Blog´s de ambos grupos.

ELABORACIÓN DE NOVAS CANDIDATURAS

2008-08-19T08:44:00.006+02:00

Como xa saben, o Grupo de Acción Local Terra das Mariñas segue a traballar na elaboración da candidatura para o novo Programa LEADER (2007-2013). Esta candidatura corresponde ó GDR-29 o cal foi denominado, polos socios fundadores como "GRUPO DE DESENVOLVEMENTO RURAL MARIÑAS-BETANZOS".
Tamén se está a traballar na candidatura para o Grupo de Acción Costeira "O GOLFO ÁRTABRO" para o cal se celebrará unha reunión de presentación o mércores 20 de agosto do 2008 na casa da Cultura de Sada "Pintor LLorente" as 12:30 horas.

Para mais información poden consultar os Link´s asociados.
http://gdr29.blogspot.com/
http://gacgolfoartabro.blogspot.com/

O GAL TERRA DAS MARIÑAS PARTICIPA NA CONSTITUCIÓN DO NOVO GDR-29

2008-07-11T17:47:00.003+02:00

O GAL Terra das Mariñas está impulsando xunto ca Fundación Comarcal de Betanzos a candidatura LEADER (2008-2013) do Grupo de Desenvolvemento Rural 29 (GDR-29).

O programa LEADER é o programa europeo para o desenvolvemento rural e que se vai a executar durante o período 2008-2013.O enfoque LEADER parte do enfoque “abaixo cara a arriba”, onde a estratexia de desenvolvemento realizase dende ó ámbito local e a capacidade de decisición reside na unión de axentes locais (Públicos e Privados) que desenvolven proxectos tratando de implicar os diferentes sectores da zona, fomentando a cooperación e o traballo en rede e incorporando a innovación a todos os ámbitos do medio rural.

O programa LEADER de cada territorio deséñao e execútao u Grupo de Desenvolvemento Rural: asociación constituída polas institucións públicas e entidades privadas dos ámbitos económico, social, cultural, veciñal e ambiental, con implantación na zona e que decidan involucrarse no desenvolvemento do seu territorio.

No programa LEADER 2008-2013 a Consellería de Medio Rural elaborou un novo mapa territorial para os Grupos de Desenvolvemento Rural, e o noso territorio encadrase no Grupo Desenvolvemento Rural 29 (GDR 29), que abarca os municipios de Abegondo, Aranga, Arteixo, Bergondo, Betanzos, Cambre, Carral, Cesuras, Coiros, Culleredo, Irixoa, Miño, Oleiros, Oza dos Ríos, Paderne, e Sada.

PRESENTACIÓN DO PROXECTO DE COOPERACIÓN "APRENDENDO DA EXPERIENCIA PROPIA DOS PROGRAMAS DE DESENVOLVEMENTO RURAL EN GALICIA 2000-2006"

2008-05-26T09:45:00.005+02:00

O pasado mércores 21 de maio de 2008, tivo lugar a xornada final, onde se presentou o proxecto de cooperación "Aprendendo da experiencia propia dos programas de desenvolvemento rural en Galicia 2000-2006", que pechou o ciclo de "Os impactos dos Grupos de Acción Local no desenvolvemento rural 2000-2006", e onde se dou a coñecer o "Libro de Boas Prácticas" que recolle as mellores actuacións desenvoltas polos Grupos de Acción Local neste período, así como a presentación oficial da nova Asociación de Grupos de Desenvolvemento Rural.

Esta xornada hai que encadrala dentro do proxecto de cooperación interterritorial que están levando a cabo a Asociación de Desenvolvemento Rural de Pontevedra, a Asociación de Desenvolvemento Comarca de Ordes, a Asociación Desenvolvemento Rural Río Lor, a Asociación Terra das Mariñas e a Fundación Comarcal A Ulloa.

A presentación da xornada correo a cargo do Conselleiro do Medio Rural, Alfredo Suárez Canal e ao longo da mesma interviron tanto os participantes no proxecto como un grupo de expertos en desenvolvemento rural que avaliaron os impactos dos programas de desenvolvemento rural no período 2000 – 2006. Entre eles, estiveron o Director Xeral de Desenvolvemento Sostible no Medio Rural do Ministerio de Medio Ambiente, Medio Rural e Marino, o Director Xeral de AGADER na Consellería de Medio Rural e xerentes de Redes de Grupos de desenvolvemento rural de ámbito estatal.Ao peche da xornada presentouse a Asociación Galega de Grupos de Desenvolvemento Rural que se constituíu ao amparo deste proxecto cos grupos participantes no mesmo.

TERRA DAS MARIÑAS SÚMASE Á CANDIDATURA DA TORRE DE HÉRCULES COMO PATRIMONIO DA HUMANIDADE

2008-04-24T08:39:00.002+02:00

O día 22 de abril de 2008, tivo lugar unha reunión da Xunta Directiva de Terra das Mariñas, onde un dos puntos da orde do día era aprobar a proposta de adherirse á candidatura promovida polo Instituto de Estudios Torre de Hércules para declarar a Torre de Hércules como Monumento Patrimonio da Humanidade ante a UNESCO, a través dun manifesto.

Nesta proposta que foi aprobada por unanimidade por todos os membros da Xunta Directiva, se quere resaltar a importancia histórica e cultural da Torre de Hércules, así como que é único faro romano que segue en activo en todo o mundo.

Co apoio da Asociación Terra das Mariñas, que conta con máis de 45 socios, formando parte dela as oito entidades locais do territorio: Abegondo, Arteixo, Bergondo, Cambre, Carral, Culleredo, Oleiros e Sada, ademais de entre outras, das Asociacións de Empresarios de Abegondo, de Cambre, de Culleredo, de Sada e As Mariñas, de Bergondo; Asociación de Produtoras Queixeras de Abegondo e Comarca, Asociación de Artesáns das Mariñas, Asociación de Horticultores e Floricultores As Mariñas, do Club Ciclista de Cambre – Frisonoble, da Asociación Pro Enfermos Mentales de A Coruña (APEM), da Cooperativa Horta do Atlántico, de ASPANAES, do Club de Montaña O Carroucho, da Asociación de Hostaleiros de Arteixo e de Culleredo, da Comunidade do Monte Veciñal en Man Común de Castelo e da de Xalo-Culleredo....., se mostra o apoio de máis de 1.800 persoas a esta candidatura.

Con este manifiesto de apoio se visualiza tamén o apoio dos concellos da Área Metropolitana coa cidade da Coruña, apostando por unha boa relación, entendemento e coordinación entre cidade e comarca

A ASOCIACIÓN DE PANADEIROS DE CARRAL REÚNESE CO CONSELLEIRO DO MEDIO RURAL

2008-04-14T11:13:00.007+02:00

O venres 11 de abril de 2008, tense celebrado unha xuntanza entre os representantes da Asociación Panadeiros de Carral, o Presidente do G.A.L. Terra das Mariñas, o Alcalde de Carral, o persoal técnico do G.A.L. Terra das Mariñas e o Conselleiro do Medio Rural con motivo de presentar a documentación requerida para solicitar a inscrición da Indicación Xeográfica Protexida (I.X.P.) Pan de Carral, no Rexistro Comunitario de Denominacións de Orixe e Indicacións Xeográficas Protexidas.

O Conselleiro do Medio Rural ten salientado a calidade da documentación aportada, así como a importancia de manter esta produción tradicional, tan ligada ao desenvolvemento rural.

TERRA DAS MARIÑAS NA RADIO

2008-03-13T13:49:00.007+01:00

O xoves 13 de marzo tense desenvolvido, na cadea Radio Voz, un programa especial adicado á Asociación Terra das Mariñas. O programa presentado polo periodista Pablo Portabales, ten servido para achegar á poboación as diferentes iniciativas levadas a cabo pola Asociación Terra das Mariñas.

Neste programa ademais de intervir os responsables das Asociación G.A.L. Terra das Mariñas, tamén interviron diferentes promotores de proxectos impulsados polo Programa PRODER II Terra das Mariñas, os cales contaron a súa experiencia coma beneficiarios deste programa de desenvolvemento rural.

TERRA DAS MARIÑAS PRESENTA O LIBRO "XARDÍNS DAS MARIÑAS"

2008-03-13T13:36:00.005+01:00

Ao mesmo tempo que se celebran as xornadas Presente e futuro do turismo na área metropolitana da Coruña tamén se presentará unha nova publicación consistente nun LIBRO DE XARDINS DA COMARCA, así como unha GUÍA para coñecelos.

Hai que lembrar que esta presentación terá lugar o luns 24 de marzo ás 12:30 horas, no Castelo de Santa Cruz (Liáns-Oleiros).

Estas publicacións foron elaboradas conxuntamente ca Fundación Juana de Vega de A Coruña dando forma a unha idea que xurdiu do PLAN DE DINAMIZACION TURÍSTICO "TERRA DAS MARIÑAS" (2004-2007).Os pazos e os seus xardins son o elemento principal do libro, donde se conxugan os valores históricos e arquitéctonicos cos botánicos e naturais. Tamén se recollen outros destacados xardins pertencentes a quintas e palacetes construídos desde a segunda metade do S. XIX, e as casas e chalets de principios do S. XX que deixaron unha pegada importante na paisaxe de "AS Mariñas", e nos que participaron relevantes xardineiros.

A presentación do libro de xardins e a guía será realizada por:

D. Enrique Sáez Ponte, Presidente da Fundación Juana de Vega.

D. Juan José Rocha Carro, Presidente da Asociación G.A.L. Terra das Mariñas.

D. Jesús Angel Sánchez García, Doutor en Historia da Arte e autor do libro.

O CEIDA ORGANIZA AS XORNADAS "PRESENTE E FUTURO DO TURISMO NA ÁREA METROPOLITANA DA CORUÑA"

2008-03-13T13:19:00.002+01:00

O vindeiro luns 24 de marzo de 2008 celebraranse as xornadas sobre o "Presente e futuro do turismo na área metropolitana da Coruña". Estas xornadas que organiza o Centro de Extensión Universitaria e Divulgación Ambiental de Galicia (CEIDA), terán lugar no Castelo de Santa Cruz (Liáns - Oleiros).

Os obxectivos destas xornadas son:

Dar a coñecer a estratexia turística desenvolta pola Asociación G.A.L. Terra das Mariñas, a través do Programa PRODER II (2004-2007) e polo Consorcio de Turismo da Coruña nos últimos anos.
Expoñer o futuro Plan de Dinamización Turística da comarca da Coruña (2008-2010).

PARA TER MÁIS INFORMACIÓN SOBRE AS XORNADAS OU INSCRIBIRSE, PODE PINCHAR NO SEGUINTE ENLACE:

http://www.ceida.org/formacion/presente-futuro-turismo-na-area-metropolitana-da-coruna.html

TERRA DAS MARIÑAS EN FITUR 2008

2008-02-18T16:47:00.004+01:00

A Asociación "Terra das Mariñas" que engloba aos concellos de Abegondo, Arteixo, Bergondo, Cambre, Carral, Culleredo, Oleiros e Sada da provincia de A Coruña, destinada a promover o desenvolvemento endóxeno dos oito municipios coruñeses que a integran, actuou como dinamizadora na creación dunha novedosa oferta no noso territorio de turismo náutico destinada á promoción deste sector na ría de Sada-Betanzos.

A iniciativa consiste en diferentes paquetes nos que se inclúen as actividades náuticas así como outras actividades de ocio e tempo libre, aloxamento e degustación de productos típicos locais, así como excursións por diferentes puntos da comarca.

O pasado venres 01 de febrero de 2008 ás 18.00 horas presentouse na sala de actos do stand de TURGALICIA EN FITUR 2008 (MADRID) estos paquetes turísticos que brevemente se comezaran a comercializar a nivel estatal (http://nauticomarinas.blogspot.com/)

Ao mesmo tempo tamén se presentou unha nova publicación consistente nun LIBRO DE XARDINS DA COMARCA, así como unha GUÍA para coñecelos, que proximante se van a presentar no ámbito territorial de Terra das Mariñas.

Estas publicacións foron elaboradas conxuntamente ca Fundación Juana de Vega de A Coruña dando forma a unha idea que xurdiu do PLAN DE DINAMIZACION TURÍSTICO "TERRA DAS MARIÑAS" (2004-2007).

Os pazos e os seus xardins son o elemento principal do libro, donde se conxugan os valores históricos e arquitéctonicos cos botánicos e naturais. Tamén se recollen outros destacados xardins pertencentes a quintas e palacetes construídos desde a segunda metade do S. XIX, e as casas e chalets de principios do S. XX que deixaron unha pegada importante na paisaxe de "AS Mariñas", e nos que participaron relevantes xardineiros.

A presentación do libro de xardins e a guía foi realizada por:

Presidente do Grupo de Acción Local “Terra das Mariñas”. D. Juan José Rocha Carro.
Xerente Fundación Juana de Vega. D. José Manuel Andrade López
Representante da entidade Crecente Asociados, S.L. D. Mario Crecente Maseda.
Autor do libro. D. Jesús Angel Sánchez García.
Director Xeral de Turismo. D. Ruben Lois González.

A presentación dos paquetes de turismo náutico foi realizada por:

Presidente do Grupo de Acción Local “Terra das Mariñas”. D. Juan José Rocha Carro.
Concelleiro de Turismo do Concello de Sada. D. José Domiro Garrote
Representante dos empresarios. D. Francisco Canabal López. Presidente de Hospeco.
Representante da entidade Inicia Consultoría e Xestión, S.L.N.E. D. Carlos Lorenzo.
Delegado Provincial de Innovación e Industria. D. José Luís Barcia Picos

TERRA DAS MARIÑAS XUNTO CON OUTROS GRUPOS ORGANIZA AS XORNADAS "OS IMPACTOS DOS GRUPOS DE ACCIÓN LOCAL NO DESENVOLVEMENTO RURAL (2000-2006)"

2008-02-12T12:39:00.000+01:00

O proxecto de cooperación interterritorial "Aprendendo da experiencia propia dos programas de desenvolvemento rural en Galicia 2000-2006, é unha iniciativa de cooperación entre os Grupos de Acción Local da ULLOA, EUROEUME, ASDECOMOR, RÍO LOR, ADR PONTEVEDRA e TERRA DAS MARIÑAS, que xurde cos seguintes obxectivos:

Avaliar os programas de desenvolvemento que se teñen levado a cabo no periodo 2000-2006.
Divulgar e aprender das boas práctivas levadas a cabo.
Compartir as experiencias de cada territorio.
Obter orientacións para o próximo programa Leader 2007-2013.

Nas xornadas presentaranse as conclusións da avaliación dos programas e desenvolveranse mesas redondas para debatir sobre o futuro do desenvolvemento rural en base ás leccións aprendidas.

Estas xornadas serán as seguintes:

Agroindustria: 15/02/2008 (Casa da Cultura de Monterroso)

Grupos de Acción Local: 22/02/2008 (Casa da Cultura do Concello de Bóveda)

Turismo: 23/02/2008 (Casa da Cultura do Concello de A Capela)

Promoción Económica: 28/03/2008 (Pazo de Mariñán-Bergondo)

Servicios Sociais: 29/03/2008 (Casa da Cultura do Concello de Ordes)

Medio Ambiente: 04/04/2008 (Pazo de Cultura do Concello de Pontevedra)

Xornada Final Presentación: 21/05/2008 (Santiago de Compostela)

TODA A INFORMACIÓN SOBRE AS XORNADAS NOS SEGUINTES ENLACES:

INFORMACIÓN

MÁIS INFORMACIÓN

TERRA DAS MARIÑAS IMPULSA UN PAQUETE DE TURISMO NÁUTICO

2008-02-01T14:27:00.001+01:00

O día 29 de xaneiro de 2008, tivo lugar na Casa da Cultura Pintor Lloréns de Sada a presentación aos medios de comunicación e público en xeral de cinco paquetes de turismo náutico, onde estiveron os representantes Do Concello de Sada, da Asociación Terra das Mariñas e dos empresarios implicados no proxecto, entre outros.

A oferta consiste en diferentes paquetes que inclúen dúas noites de aloxamento en hoteis de tres e catro estrelas e un menú degustación con produtos típicos da comarca, ademáis de actividades como cursos de vela cruceiro, excursións en veleiro ou a pé visitando os lugares de maior interese (Pazo de Mariñán, Castelo de Santa Cruz, Faro de Mera...) e diversas actividades de aventura, como o tiro con arco ou lanzamentos en tirolina.

Se trata dunha iniciativa que se realiza por primeira vez nos municipios de Sada e Oleiros, sendo as empresas de Sada que participan na oferta descrita o Hotel Sada Marina, Cadenote, Club Náutico Recreativo, Altavela e Gotompo e de Oleiros o Hotel As Galeras, Hotel Celuisma Rías Altas, Hotel Porto Cobo, Hotel Monumento Pazo do Río e o Restaurante o 13, participando tamén a empresa Axiña Servicios Deportivos de A Coruña.

Esta iniciativa ven a complementar as labores de desenvolvemento turístico que se están levando a cabo dende o Grupo de Acción Local “Terra das Mariñas”, co obxectivo de fortalecer a organización deste sector ecónomico da Comarca.

PRESENTACIÓN EN FITUR 2008

2008-01-28T08:52:00.000+01:00

A Asociación "Terra das Mariñas" actuou como dinamizadora na creación dunha novedosa oferta no noso territorio, de TURISMO NÁUTICO, destinada á promoción de este sector na ría de Sada-Betanzos.
A iniciativa consiste en diferentes paquetes nos que se inclúen as actividades náuticas así como outras actividades de ocio e tempo libre, aloxamento e degustación de productos típicos da comarca, así como excursións por diferentes puntos da comarca, e para promocionar estes recursos turísticos tense elaborado un folleto informativo financiado pola Dirección Xeral de Turismo que se presentará oficialmente o martes, 29 de xaneiro ás 11:30 horas na Casa de Cultura Pintor Lloréns de Sada.
O próximo venres 01 de febrero de 2008 ás 18.00 horas vanse a presentar na sala de actos do stand de TURGALICIA EN FITUR 2008 (MADRID) estos paquetes turísticos que brevemente comezaranse a comercializar a nivel estatal (http://nauticomarinas.blogspot.com/)

Ao mesmo tempo vanse a presentar dúas novas publicacións, que son un LIBRO DE XARDÍNS DA COMARCA, así como unha GUÍA para coñecelos.
Estas publicaciones foron elaboradas conxuntamente coa Fundación Juana de Vega de A Coruña dando forma a unha idea xurdida do PLAN DE DINAMIZACION TURÍSTICO "TERRA DAS MARIÑAS" (2004-2007).
Os pazos e os seus xardíns son o elemento principal do libro, donde se conxugan os valores históricos e arquitéctonicos cos botánicos e naturais. Tamén se recollen outros destacados xardíns pertencentes a quintas e palacetes construídos desde a segunda metade do S. XIX, e as casas e chalets de principios do Século XX que deixaron unha pegada importante na paisaxe de "AS Mariñas", e nos que participaron relevantes xardineiros.

ROTEIRO MARIÑÁN

2007-12-03T13:15:00.000+01:00

O Grupo de Acción Local "Terra das Mariñas", dentro do Programa PRODER II, e seguindo co seu Plan de Desenvolvemento Turístico para o seu territorio, está levando a cabo un proxecto moi ambicioso de creación de pequenas rutas de sendeirismo, en colaboración cos concellos, que son os principais promotores dos proxectos, e outras entidades como Comunidades de Montes. Se está creando unha rede denominada Roteiro Mariñán, que dotará á comarca deste tipo de infraestruturas, que aumente a oferta de actividades de ocio na natureza, ao mesmo tempo que descubre tanto aos visitantes, como aos propios residentes os fermosos lugares da comarca, os espazos naturais, zonas rurais pouco coñecidas, o litoral, as cuncas dos pequenos ríos, zonas montañosas, patrimonio histórico-artístico e cultural, etnografía, e moitos outros que se van descubrindo a medida que se realizan os itinerarios.

Podedes descargar os planos das rutas, pinchando nos seguintes enlaces:

ABEGONDO: díptico

BERGONDO: díptico

CAMBRE: díptico

OLEIROS: díptico

SADA: díptico

TERRA DAS MARIÑAS ORGANIZA AS PRIMEIRAS XORNADAS PARA A DINAMIZACIÓN DA INNOVACIÓN NO SECTOR FORESTAL E DA MADEIRA NAS MARIÑAS CORUÑESAS

2007-10-23T14:16:00.000+02:00

A Asociación “Terra das Mariñas”, ten entre os seus obxectivos a dinamización do tecido produtivo na Comarca. Para elo téñense deseñado as “I Xornadas para a dinamización da innovación no sector forestal e da madeira nas mariñas coruñesas”, dirixidas a sensibilizar e mobilizar ás empresas do sector da madeira, na comarca e concellos limítrofes, acerca da importancia da innovación e que se enmarcan dentro do Plan Galego de investigación, desenvolvemento e innovación tecnolóxica 2006-2010 (PGIDIT-INCITE)

Estas I xornadas buscan achegar os axentes da innovación de Galicia ás empresas do sector da madeira e sensibilizar ás mesmas sobre a importancia da innovación, polo que están convidadas as diferentes empresas do sector forestal e da madeira, localizadas nas mariñas coruñesas.

Os obxectivos principais que se pretenden acadar con estas xornadas son:

- Sensibilizar ás diferentes empresas do sector sobre a importancia da innovación.

- Dar a coñecer aos representantes do sector, os principais axentes que están a traballar no campo da investigación e innovación.

- Dar a coñecer as principais liñas de financiación para proxectos innovadores do sector.

Estas I Xornadas se celebrarán en tres días que serán os luns do día 29 de outubro, e dos días 5 e 12 de novembro de 2007 no Salón de Actos do Centro de Formación e Experimentación Agroforestal de Guísamo (Bergondo), sendo a hora de inicio ás 19.00 horas.

Así, o vindeiro luns 29 de outubro ás 19.00 horas terá lugar o acto de apertura oficial destas xornadas polo presidente do Grupo de Acción Local “Terra das Mariñas” D. Juan José Rocha Carro e polo Director do Centro de Formación Agroforestal de Guísamo, D. Xosé Luís Arenas.

Para máis información dirixirse á sede do Grupo de Acción Local “Terra das Mariñas” en Abegondo 981 669 532.

Xornadas: tríptico

TERRA DAS MARIÑAS PROMOTORA DUNHA REDE DE SENDEIROS DENOMINADA “ROTEIRO MARIÑÁN”

2007-10-19T14:30:00.000+02:00

A Asociación “Terra das Mariñas”, dentro do Plan para o Desenvolvemento Turístico da Comarca, está levando a cabo diferentes proxectos de acondicionamento e posta en marcha de varios roteiros de sendeirismo, denominado “Roteiro Mariñán”, que van aumentar a oferta de actividades recreativo-deportivas no medio rural, ao mesmo tempo que poñen en valor diferentes recursos naturais e patrimoniais do territorio.

Este conxunto de rutas coñecidas como “Roteiro Mariñán”, que conectan espazos de interese na comarca (patrimonio histórico-artístico, zonas naturais....), están homologadas pola Federación Galega de Montañismo, estando enmarcadas dentro do PR-G (pequeno recorrido galego – menos de 50 km.), e ata a data de hoxe están rematados os seguintes:

Roteiro PR-G97 “Río Gobia en Abegondo”
Roteiro PR-G17 “Arredor de Cambre”.
Roteiro PR-G87 “Costa Norte de Oleiros”.
Roteiro PR-G96 “Costa Doce de Sada”

Tamén están practicamente rematados, atopándose nas últimas fases de acondicionamento e posta en marcha os seguintes roteiros:

Roteiro “Os Barreiros – Sisalde en Arteixo”
Roteiro “Mandeo – Pedrido en Bergondo”.
Roteiro “Costa da Égoa en Carral”
Roteiro “Enlace Muíños Rego das Xesteiras – Xalo en Culleredo”.

Dende o GAL considérase un dos piares da estratexia turística a unión entre todos estes roteiros municipais, que dea lugar á posibilidade de realizar un Gran Roteiro que se poida realizar en varias etapas e que una a práctica totalidade da comarca, creando unha especie de “anel verde”.

Estes enlaces, son os que se pretenden realizar dende Terra das Mariñas, uns formarán parte das rutas xa postas en marcha, e outros constituirán outras rutas que teñan identidade propia, de xeito que poidan realizarse como rutas independentes, coa súa propia homologación ou ben realizarse como etapas doutros.

Dada a complexidade de infraestructuras e da situación urbanística na comarca, haberá casos en que non se poderá realizar a posta en marcha dun roteiro de sendeirismo como tal, senón que as actuacións irán encamiñadas á sinalizar os puntos de enlace por medio de paseos fluviais, paseos marítimos, estradas menores ou camiños por onde continuar dun roteiro a outro.

Así hoxe día 18 de outubro de 2007, o Presidente do G.A.L. “Terra das Mariñas” D. Juan José Rocha Carro, asinou coa empresa adxudicataria GIMENA INGENIERIA, S.L. un contrato para levar a cabo o primeiro dos enlaces previstos denominado “ACONDICIONAMENTO, SINALIZACIÓN E HOMOLOGACIÓN DO ROTEIRO MARIÑAN: PASEO FLUVIAL DE BAIUCA (ARTEIXO) - MONTE XALO (CULLEREDO) – IGREXA DE PALEO (CARRAL) E COLOCACIÓN DE PUNTOS DE INFORMACIÓN EN DETERMINADOS NÚCLEOS DE POBOACIÓN DE TERRA DAS MARIÑAS” .

Este enlace do Paseo Fluvial de Baiuca (Arteixo) co Roteiro Mariñán da “Costa da Egoa” (Carral), e que ten a maioría do seu percorrido polo Concello de Culleredo pretende a recuperación, sinalización e conservación de varios tramos de camiños veciñais e municipais, co fin de adecuar o seu uso como roteiro de sendeirismo.

POSTA EN VALOR DA PRODUCIÓN TRADICIONAL DE QUEIXO DE ABEGONDO E COMARCA

2007-10-18T14:42:00.000+02:00

O G.A.L. Terra das Mariñas (Programa PRODER II) que está a traballar para poñer en valor as producións tradicionais de Queixo na Comarca e concellos limítrofes, organizou o mércores 17 de outubro unha xornada formativa dirixida a estas produtoras http://www.laopinioncoruna.es/secciones/noticia.jsp?pRef=2551_2_138914__A_Coruna_/_Metro-queso-abegondes-mercado

Esta xornada formativa, a cargo da Aula de Produtos Lácteos da Universidade de Santiago de Compostela, enmárcase dentro das liñas de mellora que se están a poñer en marcha no sector.

Así destacar, que ata o momento as actuacións que se levaron a cabo dentro deste sector foron:

- Reforma dos Estatutos sociais para dar cabida as productoras se fora do Concello de Abegondo.
- Deseño de etiquetas para o producto, co que se acadará unha diferenciación do mercado.

- Apoio ao colectivo de productoras desde o G.A.L. Terra das Mariñas e o Concello de Abegondo.

Os próximos obxetivos a acadar son:

- Comercialización do Queixo de Abegondo e Comarca, a través da Agroalimentaria do Eume. Para eso realizarase unha xuntanza cos responsables da Agroalimentaria. A comercialización a través da Agroalimentaria facilitará o acceso a diferentes restaurantes, pero sen olvidar que será obligatoria a súa presencia na rede de restaurantes “Baiucas das Mariñas”.

- Deseño de unha Ruta do Queixo, que estea ligada tamén a outras producións agroalimentarias, como poden ser o Mel, Pan de Carral, etc.

Desde o G.A.L. Terra das Mariñas considérase que este sector é estratéxico para o desenvolvemento da Comarca, e polo tanto as demandas do mesmo formarán parte da candidatura do novo Proder (2007-2013).

O G.A.L. TERRA DAS MARIÑAS PRESENTOU A DIAGNOSE PARA O SECTOR PRODUTOR DE PLANTA ORNAMENTAL NO TERRITORIO DE TERRA DAS MARIÑAS

2007-10-16T14:53:00.000+02:00

O G.A.L. Terra das Mariñas presentou onte (27/09/2007), na Casa da Cultura Pintor Lloréns de Sada, o documento de diagnose para "O sector produtor de planta ornamental no territorio de Terra das Mariñas".

Neste acto estiveron presentes Abel López Soto, alcalde de Sada, Olga María García Agra, delegada provincial da Consellería do Medio Rural e Juan J. Rocha Carro, presidente do G.A.L. Terra das Mariñas, ademáis dos representantes dos viveiros da comarca e áreas limítrofes.

Con este estudio, iniciativa do G.A.L. Terra das Mariñas, dentro do Programa PRODER II, preténdense acadar os seguintes obxectivos:

1.- Coñecer a problemática actual do sector na comarca, así como as ameazas futuras.
2.- Presentar propostas realistas para potenciar o sector.
3.- Potenciar a innovación neste sector, no territorio, para que sexa capaz de xenerar emprego.

Segundo as palabras de Abel López Soto, alcalde de Sada, "o fomento deste sector pode supoñer un motor económico, de crecemento e de creación de emprego para estes municipios da comarca, os cales presentan unhas características climatolóxicas idóneas para esta actividade".Pola súa banda, a delegada provincial de Medio Rural, Olga Mª García Agra, lembrou que o sector produtor de planta ornamental é un proxecto de futuro en Galicia, e que "dende a Consellería vai a recibir o apoio necesario para o seu desenvolvemento".O presidente de Terra das Mariñas, Juan J. Rocha Carro, fixo público o seu desexo de que tanto as administracións públicas, como os entes locais así como as empresas privadas colaboren con esta iniciativa, "de grande importancia para a comarca".

Este estudo que foi valorado moi positivamente polos viveiristas, supón o inicio de traballos en común entre os produtores de planta ornamental da comarca, para intentar mellorar a comercialización e desenvolver tecnoloxicamente as producións, que foron os principiais problemas que se debatiron na xornada.

INAUGURACIÓN ROTEIRO BTT "TERRA DAS MARIÑAS"

2007-10-16T10:30:00.000+02:00

O día 19 de setembro tivo lugar en Cambre o acto de presentación oficial do "Roteiro do Xalo e os Sete Regos".

Este roteiro foi subvencionado polo Programa PRODER II que xestiona o Grupo de Acción Local "Terra das Mariñas. Ao acto de presentación oficial do "ROTEIRO DO XALO E OS SETE REGOS" acudiron o Delegado Provincial da Consellería de Innovación e Industria da Coruña, D. José Luís Barcia Picos, o presidente do Clube Ciclista de Cambre - Frisonoble, D. Antonio Carrodeguas Barbosa, o presidente de Terra das Mariñas, D. Juan Jose Rocha Carro, o alcalde de Cambre, Antonio Varela Saavedra, o alcalde de Carral, D. José Luís Fernández Mouriño, o Concelleiro de Turismo de Culleredo, D. Isidro Taibo Gago, así representantes municipais dos concellos do ámbito territorial de Terra das Mariñas.

Tamén estiveron presentes o presidente da Federación Galega de Ciclismo, D. Sabino Cortizo, o Director-Xerente da Fundación de Ciclismo Galego e Manager do Karpin Galicia, D. Rodrigo Costas e o ciclista do Karpin Galicia, Gonzalo Rabuñal, entre outras personalidades vinculadas co ciclismo.

O Grupo de Acción Local "Terra das Mariñas" concedeu unha subvención de 54.441,31.-€ que equivale ao 84,30% da inversión realizada polo promotor desta iniciativa o Club Ciclista de Cambre - Frisonoble, a través do Programa PRODER II dentro dos investimentos turísticos no medio rural: agroturismo e turismo local, para o acondicionamento da primeira ruta cicloturística estable e debidamente sinalizada da comarca, que atravesará nunha primeira fase os Concellos de Cambre, Carral e Culleredo, cunha lonxitude aproximada de 52 km. e que suporá un incremento da oferta de actividades recreativo-deportivas no medio rural, mostrando un interesante patrimonio natural e etnográfico.Esta actuación complementa aos roteiros denominados "Roteiro Mariñan" que se están levando a cabo dende o Grupo de Acción Local "Terra das Mariñas".

Agárdase que nun futuro esta ruta poida enlazarse coa cidade da Coruña, para disfrute de todos os habitantes da Área Metropolitana.O percorrido deste roteiro ten a intención de facilitar e fomentar a práctica do deporte na natureza dun xeisto sostible, cun total respecto ao medio natural e está deseñado para cicloturismo en BTT, pero tamén pode ser adecuado para sendeirismo, carreira pedestre (yoguing) ou ciclo-excursionismo.Ofrece a posibilidade de practicar un deporte na natureza, divertido e accesible a todos, promovendo e defendendo os valores naturais históricos e etnográficos da comarca e así contribuir a súa conservación e uso sostible, a través dunha posta en valor do entorno.

Por último o vindeiro domingo día 23 de setembro terá lugar en Cambre o 3º ROTEIRO BTT TERRA DAS MARIÑAS "ROTEIRO DO XALO E OS SETE REGOS".

A saída está prevista ás 9.30 horas do Campo da Feira de Cambre. Para máis información e inscricións dirixirse á páxina web da organización, Club Ciclista de Cambre - Frisonoble: http://www.cccambre.es/.